लाडका भाऊ योजनेसाठी अर्ज कसा करायचा जाणून घ्या

मुख्यमंत्री युवा कार्य शिक्षण म्हणजेच माझा लाडका भाऊ योजना महाराष्ट्र सरकारने राज्यातील तरुण विद्यार्थ्यांसाठी सुरू केली आहे. या योजनेच्या माध्यमातून राज्यातील बेरोजगार तरुण विद्यार्थ्यांना मोफत व्यावहारिक कार्य प्रशिक्षण आणि रोजगाराशी संबंधित कौशल्य प्रशिक्षण देण्यात येणार आहे. प्रशिक्षणासोबतच राज्यातील बारावी उत्तीर्ण तरुण विद्यार्थ्यांना सहा हजार रुपये, पदविकाधारकांना आठ हजार रुपये आणि पदवीधर विद्यार्थ्यांना १० हजार रुपये दरमहा देण्यात येणार आहेत.

या योजनेअंतर्गत पात्र तरुण विद्यार्थ्यांना 6 महिन्यांसाठी फॅक्टरी ॲप्रेंटिसशिप दिली जाईल, जेणेकरून त्यांना या अनुभवाच्या आधारे भविष्यात कामाचा अनुभव मिळू शकेल आणि रोजगार मिळू शकेल. मात्र, यासाठी सर्वप्रथम तरुणांना ऑनलाइन अर्ज करावा लागणार आहे.

जर तुम्ही महाराष्ट्र राज्याचे तरुण नागरिक असाल आणि माझा लाडका भाऊ योजनेंतर्गत विहित केलेली पात्रता पूर्ण करत असाल, तर तुम्ही या योजनेचा लाभ घेण्यासाठी घरबसल्या सहजपणे ऑनलाइन अर्ज करू शकता. योजनेसाठी ऑनलाईन अर्ज करण्याची प्रक्रिया खाली दिली आहे.

ऑनलाइन अर्ज करण्यासाठी, सर्वप्रथम तुम्हाला रोजगार महास्वयं महाराष्ट्राच्या अधिकृत वेबसाइटला भेट द्या.

• मुख्यपृष्ठावर, तुम्हाला नोंदणी पर्यायावर क्लिक करावे लागेल.
• क्लिक केल्यावर तुमच्या समोर एक नवीन पेज उघडेल.
• आता तुम्हाला Verify your mobile number असा पर्याय दिसेल त्यावर क्लिक करावे लागेल.
• क्लिक केल्यावर तुमच्यासमोर ॲप्लिकेशन ओपन होईल.
• अर्जामध्ये तुम्हाला विचारलेली सर्व माहिती काळजीपूर्वक प्रविष्ट करावी लागेल.
• यानंतर आवश्यक कागदपत्रे तुम्हाला स्कॅन करून अपलोड करावी लागतील.
• शेवटी तुम्हाला Register या पर्यायावर क्लिक करावे लागेल.अशा प्रकारे तुम्ही यशस्वीपणे नोंदणी करू शकाल.
• नोंदणी केल्यानंतर,तुम्हाला मुख्यमंत्री युवा कार्य शिक्षण योजना पर्यायावर क्लिक करावे लागेल.
• यानंतर Click Here to Apply या पर्यायावर तुम्हाला क्लिक करावे लागेल.
• आता तुमच्या समोर एक नवीन पेज उघडेल.या पेजवर तुम्हाला तुमची सर्व आवश्यक माहिती द्यावी लागेल.
• यानंतर तुमच्या मोबाईल नंबरवर एक OTP येईल.तुम्हाला हा OTP इथे टाकावा लागेल.

अशा प्रकारे माझा लाडका भाऊ योजनेसाठी यशस्वीरित्या ऑनलाइन अर्ज करू शकता.

अधिक माहितीसाठी अधिकृत संकेतस्थळाला भेट द्या.

https://rojgar.mahaswayam.gov.in/#/home/index