जळगांव जिल्ह्यातील विमुक्त जाती व भटक्या जमाती आश्रमशाळातील विद्यार्थी प्रथमच विधान भवनाला भेट देण्यासाठी रवाना.
इतर मागास बहुजन कल्याण विभागाचे मंत्री अतुल सावे यांच्या संकल्पनेतून व पुढाकारातून नाशिक विभागातील तांडा, वाडी-वस्त्यांवरील आश्रमशाळांमध्ये शिकणाऱ्या विद्यार्थ्यांना विधानभवनाच्या कामकाजाचा थेट अनुभव घेण्याची संधी मिळावी यासाठी ही अभ्यास भेट आहे.
यात विद्यार्थ्यांना प्रत्यक्ष विधानसभेचे कामकाज पाहता येणार आहे.आश्रमशाळेतील प्रत्येक विद्यार्थ्याने पुढे जाऊन राष्ट्राची प्रगती साधावी, हेच शासनाचे उद्दिष्ट आहे.
या अभ्यास भेट दरम्यान विद्यार्थ्यांचे छत्रपती शिवाजी महाराज वस्तुसंग्रहालयाला, तारांगण या ठिकाणांना देखील विद्यार्थ्यांचा भेट देण्याचा मानस आहे.
या संपूर्ण अनुभवातून त्यांना नवी प्रेरणा आणि शिक्षणाची दिशा मिळेल, याचा विश्वास आहे. शासनाच्या विविध उपक्रमांद्वारे विमुक्त जाती व भटक्या जमातीतील विद्यार्थ्यांसाठी शिक्षणाचे दार खुले करण्याचा प्रयत्न या माध्यमातून सुरू आहे. सदर अभ्यास भेटीसाठी , मार्गदर्शन भगवान वीर उपसंचालक इतर मागास बहुजन कल्याण विभाग नाशिक, योगेश पाटील सहायक संचालक जळगांव यांचे लाभणार आहे.
