बोगस दिव्यांग प्रमाणपत्र काढणे भोवले, मुख्याध्यापकावर गुन्हा दाखल

प्रताप हायस्कूल अमळनेर जि.जळगाव येथील माजी. मुख्याध्यापिका प्रमोदिनी बळीराम पाटील यांनी शासकीय सेवेत कार्यरत असतांना, शासकीय योजनांचा लाभ घेणेसाठी बनावट SADM प्रमाणपत्राच्या आधारे व्यवसाय कर, (आयकर) आणि अश्या इतर शासकीय योजनांचा लाभ घेतल्याप्रकरणी अमळनेर सत्र न्यायालयात कलम १५६ (३) अन्वये, तक्रार अर्ज सादर केलेला होता.

या प्रकरणावर सत्र न्यायालयात अंतिम सुनावणी होऊन, प्रहार दिव्यांग संघटनेचे तालुकाध्यक्ष, योगेश पवार यांनी जे पुरावे सादर केले होते त्याआधारे अमळनेर येथील प्रथम वर्ग न्यादंडाधिकारी वर्ग १ यांनी सदर तक्रारीची दखल घेऊन, आरोपींविरुद्ध अमळनेर येथील पोलिसांकडे गुन्हा दाखल करून घेऊन, तपासाचे आदेश पारित केलेले आहेत.

कलम, ४२०, ४६५, ४६६, ४६७, ४६८ व ४७१ अन्वये, फौजदारी खटला दाखल करण्यात आलेला आहे. सदर निर्णयाने तालुक्यासह जिल्ह्यात एकच खळबळ उडाली असून, बोगस दिव्यांग प्रमाणपत्रावर लाभ घेणाऱ्यांचे धाबे दणाणले आहे.