लोकसभा निवडणुकीसाठी काँग्रेसचा जाहीरनामा प्रसिद्ध…

लोकसभा निवडणूक २०२४ साठी काँग्रेस पक्षाने आपला जाहीरनामा (Congress Manifesto 2024 Lok Sabha Election ) प्रसिद्ध केला आहे. काँग्रेसने आपल्या जाहीरनाम्यात अनेक मोठमोठी आश्वासने दिली आहेत. काँग्रेसच्या दिल्लीतील AICC मुख्यालयात 2024 च्या लोकसभा निवडणुकीसाठी जाहीरनामा प्रसिद्ध करण्यात आला. यावेळी काँग्रेसचे राष्ट्रीय अध्यक्ष मल्लिकार्जुन खर्गे, सोनिया गांधी, राहुल गांधी आणि इतर मान्यवर उपस्थित होते.

५ न्याय २५ गॅरेंटीवाला काँग्रेसचा जाहीरनामा GYAN या संकल्पनेवर आधारित आहे. G म्हणजे गरीब, Y म्हणजे युवा, A म्हणजे अन्नदाता आणि N म्हणजे नारी असा याचा अर्थ आहे.

संपूर्ण देशात जातनिहाय जनगणना करणारराष्ट्रीय सामाजिक सहाय्य कार्यक्रमांतर्गत ज्येष्ठ नागरिक, विधवा आणि अपंग व्यक्तींच्या निवृत्ती दर महिना १००० रुपये करणार.

देशातील ३० लाख तरुणांना सरकारी नोकरी देणारमहालक्ष्मी योजना सुरू करणार, गरीब कुटुंबातील महिलांना दरवर्षी १ लाख रुपये देणारस्थानिक स्वराज्य संस्थांमध्ये दिव्यांग व्यक्तींना प्रतिनिधित्व देणारविशेष गरजा असलेल्या मुलांना आणि अपंग मुलांना दर्जेदार शिक्षण देण्यासाठी राष्ट्रीय संशोधन आणि उत्कृष्टता केंद्र स्थापन करणार.

मोठमोठी रुग्णालये, दवाखाने, प्राथमिक आरोग्य केंद्रे, मोबाईल हेल्थकेअर युनिट्स, डिस्पें सारी आणि आरोग्य शिबिरे यासारख्या सार्वजनिक आरोग्य केंद्रांमध्ये विनामूल्य देणार.या मोफत आरोग्य सेवेमध्ये तपासणी, निदान, उपचार, शस्त्रक्रिया, औषधे, पुनर्वसन आणि उपशामक काळजी यांचा समावेश असेलयुनिव्हर्सल हेल्थकेअरसाठी 25 लाखांपर्यंत कॅशलेस इन्शुरन्स देणार2025 पासून महिलांसाठी केंद्र सरकारच्या अर्ध्या (50 टक्के) नोकऱ्या राखून ठेवणारमहिलांच्या वेतनातील भेदभाव रोखण्यासाठी आम्ही ‘समान काम, समान वेतन’ या तत्त्वाची अंमलबजावणी सुनिश्चित करणार.

आशा, अंगणवाडी, माध्यान्ह भोजन स्वयंपाकी महिलांचे वेतन दुप्पट करणार महिलांना दिल्या जाणाऱ्या संस्थात्मक कर्जाच्या रकमेत लक्षणीय वाढ करणार,विवाह, वारसाहक्क, वारसा, दत्तक, पालकत्व इत्यादी बाबींमध्ये महिला आणि पुरुषांना समान अधिकार असावेत यासाठी सर्व कायद्यांचे पुनरावलोकन करू आणि स्त्री-पुरुष समानता सुनिश्चित करणार.

21 वर्षांखालील प्रतिभावान आणि नवोदित खेळाडूंना दरमहा 10,000 रुपयांची क्रीडा शिष्यवृत्ती देणारक्रीडा विज्ञान आणि प्रशिक्षणामध्ये संशोधन आणि विकासाला चालना देण्यासाठी राष्ट्रीय क्रीडा विज्ञान संस्था स्थापन करणार.

स्वामिनाथन आयोगाच्या शिफारशीनुसार, सरकारने दरवर्षी जाहीर केलेल्या किमान आधारभूत किमतीला (MSP) काँग्रेस कायदेशीर हमी देईल. खरेदी केंद्रे आणि APMCs येथे शेतकरी-विक्रेत्याला देय असलेला MSP थेट शेतकऱ्यांच्या बँक खात्यात डिजिटल पद्धतीने जमा केला जाईल.

शेतकरी संघटनांशी सल्लामसलत करून, आम्ही शेतकऱ्यांना शेतीमाल विक्रीचे तीन मार्ग उपलब्ध करून देऊ.ई-मार्केट जे शेतकरी संघटना, शेतकरी-उत्पादक संस्था (FPO) आणि वैयक्तिक प्रगतीशील शेतकऱ्यांच्या प्रतिनिधीत्वासह स्वायत्त संस्थेद्वारे चालवले जाईल.

ऊर्जा निर्माण करण्यासाठी नलिका विहिरींना जोडलेले सोलर पॅनेल बसवूपाच वर्षांत दुग्धव्यवसाय आणि कुक्कुटपालनाच्या उत्पादनाचे मूल्य दुप्पट करणारपाच वर्षांत कृषी क्षेत्रातील संशोधन आणि विकासासाठी निधी दुप्पट करणार.

अशी बरीच आश्वासन काँग्रेसने आपल्या जाहीरनाम्यात दिली आहेत.