प्रभू श्रीराम यांची मूर्ती अयोध्येतील मंदिरात विराजमान…
अयोध्येतील राम मंदिरात प्राणप्रतिष्ठा सोहळा पार पडला. पंतप्रधान नरेंद्र मोदी यांच्या हस्ते प्राणप्रतिष्ठापणेचा पूजाविधी पार पडला. १२ वाजून २९ मिनिटांनी या पुजाविधीला सुरुवात झाली होती.
यावेळी त्यांच्यासोबत राष्ट्रीय स्वयंसेवक संघाचे प्रमुख मोहन भागवत, उत्तर प्रदेशचे मुख्यमंत्री योगी आदित्यनाथ तसेच उत्तर प्रदेशच्या राज्यपाल आनंदीबेन पटेल हे देखील गर्भगृहात उपस्थित होते.
गणेशपुजनानं या प्राण प्रतिष्ठा सोहळ्याला सुरुवात झाली. त्यानंतर १२ वाजून २९ मिनिटांनी हा प्राण प्रतिष्ठा विधी संपन्न झाला. ८४ सेकंदाच्या अभिजात सुक्ष्म मुहूर्तावर हा विधी संपन्न झाला. प्राणप्रतिष्ठा संपन्न झाल्यानंतर हेलिकॉप्टरच्या माध्यमातून अयोध्येतील राम मंदिरावर पुष्पवर्षाव करण्यात आला. या कार्यक्रमासाठी अनेक मान्यवर दिग्गजांनी हजेरी लावली.
कर्नाटकातील अरुण योगीराज यांनी राम लल्लाची प्रतिमा साकारली आहे. रामलल्लाची मूर्ती दागिन्यांनी सजलेली आहे. डोक्यापासून पायापर्यंत अनेक दागिन्यांनी मूर्ती सजवण्यात आली आहे. त्याच्या हातात सोन्याचे धनुष्य आणि बाण आहे. कपाळाला सोन्याचा तिलक लावलेला आहे.
PM Narendra Modi, RSS chief Mohan Bhagwat, UP CM Yogi Adityanath, and Governor Ananadiben Patel offer prayers to Ram Lalla. The idol was unveiled at the Ram Temple in Ayodhya during the pranpratishtha ceremony. pic.twitter.com/cMH64vECS6
— ANI (@ANI) January 22, 2024
