ज्येष्ठ नागरिक बचत योजनेतील पैसे काढण्याचे नियम बदलले…

ज्येष्ठ नागरिक बचत योजना (SCSS) च्या नियमांमध्ये बदल करण्यासाठी अधिसूचना जारी करण्यात आली आहे. तुम्हालाही ज्येष्ठ नागरिक बचत योजनेत वेळेपूर्वी तुमचे पैसे काढायचे असतील तर हे नियम जाणून घ्या.

नवीन नियम 7 नोव्हेंबर 2023 पासून लागू झाले आहेत.नवीन नियमांनुसार, एक वर्षाचा गुंतवणुकीचा कालावधी संपण्यापूर्वी खाते बंद केल्यास, जमा केलेल्या रकमेपैकी एक टक्का रक्कम कापली जाईल. यापूर्वी एक वर्षाचा कालावधी संपण्यापूर्वी खाते बंद केले असल्यास त्या रकमेवर भरलेले व्याज वसूल केले जात होते आणि खातेदाराला शिल्लक रक्कम दिली जात होती.

नवीन नियमानुसार नुसार – ज्येष्ठ नागरिक बचत योजनेच्या नवीन नियमांनुसार, एखादी व्यक्ती सेवानिवृत्तीचा लाभ मिळाल्यानंतर 3 महिन्यांच्या आत या योजनेअंतर्गत खाते उघडू शकते. आधी ही मुदत एक महिन्याची होती. अधिसूचनेनुसार, ज्येष्ठ नागरिक बचत योजनेअंतर्गत उघडलेल्या खात्यांवरील व्याज लागू योजनेच्या दराच्या आधारावर मोजले जाईल.

बचत योजना नियम बाबत – सरकारने अलीकडेच विविध लहान बचत योजनांसाठीचे नियम शिथिल केले आहेत. यामध्ये सार्वजनिक भविष्य निर्वाह निधी (PPF), ज्येष्ठ नागरिक बचत योजना इत्यादींचा समावेश आहे. अल्पबचत योजनेतील बदलांशी संबंधित निर्णय वित्त मंत्रालयाच्या आर्थिक व्यवहार विभागाकडून घेतले जातात. सध्या, सरकार 9 प्रकारच्या लहान बचत योजना चालवते, ज्यात आवर्ती ठेव (RD), सुकन्या समृद्धी योजना (SSY), महिला सन्मान बचत प्रमाणपत्र, किसान विकास पत्र, राष्ट्रीय बचत प्रमाणपत्र (NSC) आणि ज्येष्ठ नागरिक बचत योजना यांचा समावेश आहे.

ज्येष्ठ नागरिक बचत योजना ही सरकारी गुंतवणूक योजना आहे. ही योजना पोस्ट ऑफिसच्या लघु बचत योजनेंतर्गत येते. वयाची 60 वर्षे पूर्ण केलेली कोणतीही व्यक्ती या योजनेत गुंतवणूक करू शकते. त्याच वेळी व्हीआरएस घेणारी व्यक्ती आणि 55 वर्षे आणि 60 वर्षांपेक्षा कमी वयाची व्यक्ती देखील योजनेत खाते उघडू शकते. त्याच वेळी संरक्षण सेवांमधून निवृत्त झालेल्या 50 वर्षांवरील व्यक्तींनाही खाते उघडता येते.ही योजना किमान 1000 रुपयांच्या गुंतवणुकीसह सुरू केली जाऊ शकते. जास्तीत जास्त 30 लाख रुपयांची गुंतवणूक करता येईल. यामध्ये पाच वर्षांसाठी खाते उघडता येते. त्यानंतर ती तीन वर्षांसाठी वाढवता येईल. या योजनेची खास गोष्ट म्हणजे यामध्ये गुंतवणूक केल्यास आयकराच्या कलम 80C चा लाभ मिळतो. याद्वारे तुम्हाला 1.5 लाख रुपयांपर्यंत सूट मिळू शकते. योजनेत सरकार 8.2 टक्के व्याज देत आहे.